Mbërrin dhe thirrja e parë qeveritare për të mos e braktisur Shqipërinë. Është pikërisht kreu i LSI-së, Ilir Meta, i cili u bëri apel qytetarëve që të mos largohen nga vendi dhe mos bien pre e mashtruesve.
Në një takim me studentët Meta theksoi se opozita ka të drejtë kur thotë që situata ekonomike në vend është e vështirë por ai thekson se gjendja nuk ka qenë më e mirë edhe para dy viteve dhe se një gjë të tillë ja ka thënë edhe kryeministrit Berisha në atë kohë.
“Kjo është tërësisht një skemë mafioze dhe nuk ka asnjë gjë të vërtetë. U bëj thirrje mos bien pre e këtyre mashtrimeve sepse do kthehen në Shqipëri më të varfër. Jam i bindur që kjo është një situatë kalimtare që do e kalojmë të gjithë së bashku jo duke ju fshehur të vërtetave por duke i parë ato në sy. Kemi dëgjuar se opozita i ka ngritur me shumë forcë dhe kanë të drejtë por kjo situatë ekonomike nuk besoj se ishte më e mirë para dy vitesh.” u shpreh Meta.
Ai theksoi se pjesa e vështirë e reformave në vend u kalua dhe se tani do fillojnë të ndihen frytet e këtyre reformave.
