Emiratet e Bashkuara Arabe po vlerësojnë ecjen përpara të bashkëpunimit me Shqipërinë në sektorët e energjisë, turizmit dhe bujqësisë, ka thënë Ministri i Energjisë së EBA, Suhail bin Mohammed Faraj Faris Al Mazrouei, gjatë takimit me Kryeministrin Edi Rama.
Siç bën të ditur agjencia e lajmeve të Emirateve të Bashkuara WAE. në fjalimin e shpërndarë në nisje të forumit ekonomik Shqipër- EBA që u mbajt në Abu Dabi, theksohet se tregtia jo që i përket naftës është rritur 11.4 milionë USD, nga 9.1 milionë që ka qenë në vitin 2012.
“Për ne kjo shifër është e vogël dhe larg pritshmërive për një bashkëpunim më të gjerë ndërmjet dy vendeve në nivelet e pritura nga liderët tanë”, tha ministri.
Ai ka kërkuar nga qeveria shqiptare dhe sektorët e biznesit privat që të konsiderojnë mundësitë e hapura nga EBA për investime dhe duhet të propozonin hapa praktikë për të kapërcyer pengesat ndaj investimeve.
“|Emiratet e Bashkuara Arabe janë një botë e pazbuluar për transportin ajror dhe detar, për eksportet dhe rieksportet. Gjithashtu sektori financiar dhe bankar i vendit është i aftë të ofrojë mbështetje për investitorët tha “ Al Mazrouei.
Kryeministri i Shqipërisë, Edi Rama, tha se Shqipëria është e fokusuar në integrimin e saj drejt Bashkimit Europian.
Ndërkaq përveç Kryeministrit Edi Rama, në Abu Dabi, në të njëjtën ditë ndodheshin delegacione të tëra nga Ballkani, si Kryeministri i Malit të Zi, Milo Gjukanoviç, kreu i Bashkësisë Islame të Kosovës, Naim Ternava etj. Gjukanoviç ka zhvilluar takime të nivelit të lartë.
Këto vizita janë pjesë e Konferencës për Energjinë e rinovueshme që zhvillohet me nismën e Emirateve të Bashkuara Arabe, të cilat synojnë të financojnë projekte që ruajnë ambjentin dhe promovojnë turizmin.
/tesheshi.com/
