I dërguari i presidentit amerikan Obama në Turqi në kuadër të koalicionit të përbashkët kundër terrorizmit, dënoi me forcë sulmet e partisë së Punëtorëve të Kurdistanit dhe respektoi plotësisht të drejtën e Turqisë për vetëmbrojtje.
Në një seri postimesh, Brett McGurk apeloi Turqinë dhe PKK-në të shmangin armiqësitë dhe të mbeten të angazhuara për procesin e zgjidhjes paqësore.
Të premten në mbrëmje dhe mëngjesin e së shtunës, forcat ajrore turke bombarduan për herë të parë në këto dy vjet e gjysmë kampet e PKK-së në veri të Irakut.
Policia turke, ndërkohë, ka ndaluar rreth 590 persona, mes të cilëve 37 të huaj, për lidhje të dyshuara me grupe terroriste në të gjithë Turqinë.
Mes këtyre ngjarjeve, Turqia finalizoi të mërkurën lejen për avionët luftarakë amerikanë që të përdorin bazat turke, në sulmet ajrore kundër Shtetit Islamik.
I dërguari amerikan, McGurk hodhi poshtë idenë se përshkallëzimi i dhunës mes Ankarasë dhe PKK ka lidhje me marrëveshjen e fundit.
PKK është e listuar si organizatë terroriste nga Turqia, SHBA dhe BE./tesheshi/
