Humbisni peshë por e fitoni atë sërish pas shumë pak ditëve? Faji nuk është i forcës suaj të vullnetit, por i disa baktereve.
Ky është përfundimi që del nga një studim gjerman i University Hospital Schleswig Holstein në Keil, i prezantuar në mbledhjen e European Society of Endocrinology.
Sipas studiuesve, gjatë dietës dobësuese, kur duhet të humbim peshë për shkak se për shembull, mund të jeni të prekur nga mbipesha apo obeziteti, varieteti i baktereve që shoqëron florën intestinale përmirësohet, për tu kthyer më pas në gjendjen e mëparshme, të quajtur faza e mbajtjes, e cila është shumë e rëndësishme që kilogramët e humbur të mos shtohen.
Për të arritur në këtë përfundim, 18 të rriturve obezë iu është kërkuar të ndjekin një dietë e cila parashikonte një total prej 800 kalorish në ditë, për tre muaj me radhë.
Për ta ishte parashikuar një regjim ushqimor i mirë dhe në të dyja fazat është matur ndjeshmëria ndaj insulinës, sikurse aktiviteti dhe llojshmëria e baktereve intestinale, duke përdorur kampionë të feçeve. /tesheshi.com/
