Duket se Hillary Clinton ka pranuar të dalë përpara “gjykatës” më 22 tetor. Kështu të paktën raporton Politico, duke cituar burime republikane, sipas të cilave kandidatja kryesore e demokratëve për garën presidenciale, ka rënë dakord të dalë përpara panelit për t’iu përgjigjur pyetjeve të komitetit të senatit për ngjarjet në Benghazi, edhe pse data 22 tetor mund të mos jetë përfundimtare. Kjo, për shkak të negociatave në vazhdim.
Negociatat mes panelit republikan dhe ekpit ligjor të Klinton janë stërzgjatur për shkak se avokati i ish-sekretares amerikane të Shtetit ka vendosur dy kushte, që data të mos ndryshojë dhe që pyetjet të mbahen brenda disa parametrave të caktuar.
Seanca dëgjimore pritet të përfshijë edhe pyetje në lidhje me zbulimin se Hillary Clinton kishte dërguar materiale të klasifikuara nga emai-i i saj privat, që nuk ka parametrat e duhur të sigurisë.
Edhe pse palët ende negociojnë për data dhe pyetje, është domethënëse që kreu republikan i panelit Trey Gowdy, që do të marrë “në pyetje” Hillary Klinton ka rënë dakord për mënyrën e realizimin të seancës. Procesi ka të bëjë me vrasjen e katër amerikanëve në Libi, më 11 shtator 2012, mes të cilëve ambasadori amerikan Chris Stevens, kur konsullata në Benghazi u sulmua.
Demokratët e kanë akuzuar Gowdy-n se po vonon seancën në mënyrë që tema të përfshihet në garën presidenciale të vitit të ardhshëm, ku Klinton është kandidate kryesore. /tesheshi/
