Prokuroria Speciale po heton Fatmir Limajn, ish-komandant “Çelikun” për një rast të ri të krimeve të luftës.
Limaj, dyshohet se ka dorë në ekzekutimin pa gjyq të Ramiz Hoxhës nga Bellanica dhe Selman Binishit nga Banja e Malishevës.
Mësohet se Limaj do të merret në pyetje sot në ora 16:00 në Prokurori.
“Është hapur një hetim i ri kundër z. Limaj për krime lufte kundër popullatës civile”, ka thënë burimi i Insajderit.
Prokuroria dhe mbrojtja nuk kanë folur për këtë rast.
“Më kanë pyetur edhe gazetarë tjerë nëse ka një hetim të ri për z. Limaj, por nuk mund të flas”, ka thënë avokati i Fatmir Limajt, Tahir Rrecaj.
Ndryshe, Limaj ditë më parë është shpallur i pafajshëm për rasti “Kleçka”, ku akuzohej për krime lufte kundër popullatës civile dhe krime lufte kundër robërve të luftës. Mes tjerash akuzohej se kishte urdhëruar vrasjen e dy serbëve. /tesheshi.com/
