Kryeministri Rama ka fituar një ndër proceset gjyqësore të hapura prej tij, por të pabëra publike, e kjo përballë rivalit të tij që nga 90-ta, Sali Berisha.
Kjo është hera e parë që Rama hap një gjyq me Berishën nën akuzën e shpifjes, duke qenë njeriu më i sulmuar prej tij në më pak se 30 vite, përjashto ato kohë kur Rama nuk ishte i angazhuar politikisht.
Shuma që ishkryeministri duhet t’i paguajë pasardhësit të tij në detyrë, është 5 milion lekë të vjetra.
Kur Rama shpalli nisjen e një fushatë padish për shpifje, premtoi se të ardhurat e gjyqeve të fituara do shkonin për rikonstruksione shkollash.
Kujtojmë se i pari socialist që ka hedhur në gjyq Berishën për shpifje, është Ben Blushi. Ndodhi kjo në 2004-ën, ku i pari, atëherë në krye të opozitës, e humbi atë.
Ndërsa kohë më parë, po për shpifje, Berisha humbi dhe gjyqin me botuesin Karlo Bolino.
Rama e çoi në gjyq Berishën në lidhje me një status, i cili me vendim gjykate duhet fshirë nga ky i fundit. /tesheshi.com/
