Zv.Kryeministri dhe Ministri i Punëve të Jashtme, Hashim Thaçi, sot gjatë qëndrimit të tij në Prizren në një intervistë për RTV BESA, pasi shprehu ngushëllimet për familjet që kanë humbur më të dashurit e tyre në konfliktin e armatosur në Kumanovë, për herë të parë u shpreh haptas rreth konfliktit në Kumanovë si dhe rreth problemeve politike në Maqedoni.
Ai ndër tjerash deklaroi se “Të arrestuarit duhet të trajtohen sipas standardeve ndërkombëtare dhe të ndalet dhuna fizike ndaj tyre nga regjimi represiv i Gruevskit. Problemi nuk është në Kumanovë, problemi është në Shkup, problemi është politik e jo ndëretnik. Maqedonia ka nevojë për më tepër demokraci, për media të lira, shoqëri civile, zhvillimin e bizneseve dhe të tregut të lirë dhe për më tepër frymë evro-atlantike”.
