Izraeli ka mbajtur një takim me përfaqësuesit e Youtube dhe Google për të gjetur një mënyrë bashkëpunimi për të censuruar videos e palestinezëve.
E përditshmja izraelite Maariv tha se Hotovely, zëvendësministrja e Punëve të Jashtme të Izraelit do të bashkëpunojë me përfaqësuesit e Google dhe Youtube në një mekanizëm të përbashkët i cili do të merret me “monitorimin dhe parandalimin” e çdo publikimi të materialeve që konsiderohen si “nxitëse” nga Tel Avivi.
Hotovely bëri publike me anë të një deklarate për shtyp në gjuhën hebraike se është takuar me Drejtoreshën Ekzekutive të Youtube Susan Wojcicki dhe Drejtoreshën e Politikave Publike të Google Jennifer Oztzistzki në zyrat e Google në Silicon Valley.
Hotovely tha se iu paraqit një përmbledhje e mekanizmit të kompanive për të monitoruar filmimet që mendohet se nxisin dhunën, duke pohuar se “videot nxitëse” i nxisin të rinjtë të dalin në rrugë e të sulmojnë me thika: “Sulmet e përditshme me thika në Izrael vijnë si rezultat i nxitjes së rinisë dhe fëmijëve nga sistemi edukues dhe rrjetet sociale. Kjo është një luftë e përditshme nxitëse.”
Ajo tha se Google ka pranuar t’i forcojë marrëdhëniet dypalëshe me Ministrinë e Jashtme Izraelite dhe të ndërtojë një mekanizëm “bashkëpunimi” që do t’i bënte të dyja palët partnerë në monitorimin e materialeve të publikuara dhe censurimin e tyre.
Kjo lëvizje e Izraelit vjen në mesin e një përshkallëzimi të tensioneve në Palestinën e pushtuar ku një numër i madh videosh, përfshirë ato që shfaqin ushtarët dhe oficerët izraelitë duke vrarë palestinezët në formë ekzekutimi. Shumë prej këtyre videove nxjerrin në dritë vuajtjen e popullit palestinez, i cili jeton nën pushtimin e paligjshëm izraelit të Palestinës.
Bashkëpunimi i Google dhe Youtube me Izraelin ka pasoja serioze. Shumë gazetarë e kanë kundërshtuar këtë duke thënë se ky është një sulm direkt nga Lirisë së Shtypit.
Të gjithë gazetarëve që raportojnë nga Territoret e Pushtuara u kërkohet të regjistrohen pranë ushtrisë izraelite dhe çdo filmim që bëjnë duhet të kalojë përmes censurimit të zyrës së ushtrisë izraelite përpara se të publikohet.
Me përparimin e teknologjik, shumë palestinezë dhe qytetarë të tjerë kanë qenë në gjendje të postojnë videot e tyre online të pa censuruara.
qeveria izraelite e ka shprehur vazhdimisht pakënaqësinë e saj në lidhje me këtë dhe ka punuar për të gjetur mënyrën për të censuruar videot që dalin nga Territoret e Pushtuara Palestineze. /tesheshi.com/
