Kryeministri malazez, Milo Gjukanoviç, u ka dhënë një tjetër shuplakë serbëve, si njeriu që ka vendosur ta sfidojë guximshëm politikën e Beogradit. Në një intervistë për beogradasen Politika, Gjukanoviç nuk është druajtur t’u dërgojë mesazh serbëve se Kosova për ta duhet harruar njëherë e mirë.
“E kuptoj emocionin e opinionit serb kur kemi të bëjmë me raportin ndaj Kosovës, por gjeneratat e sotme nuk duhet të udhëheqin luftëra që janë humbur më herët”, tha kreu i qeverisë së Podgoricës.
Për këtë arsye, kryeministri malazez ka bërë thirrje që Serbia duhet me patjetër ta njoh Kosovën.
Sipas tij, rajoni sot është vërtet në një udhëkryq, edhe pse shfaqet më i garantuar se kurrë më parë.
“Stabiliteti asnjëherë nuk ka qenë i garantuar, por kjo nuk do të thotë me siguri se ai nuk mund të shndërrohet sërish në ‘fuçi baruti’, tha ai, duke shtuar se do duhej shumë pak që lavjerrësi ballkanik të lëvizë kah Brukseli.
Dhe si kush për këtë, Gjukanoviç vlerësoi rëndësinë e raporteve mes Beogradit dhe Prishtinës.
Kohët e fundit, kryeministri malazez ka ndjekur një politike sfiduese, si ndaj Beogradit e si ndaj Moskës, ku kjo e fundit edhe pse ëshët investuar fuqishëm për ta rrëzuar nga pushteti, sidomos pas gadishmërisë për anëtarësim në NATO, nuk ka mundur dot. /tesheshi.com/
