“Progresi i Michael Schumacher është shumë i ngadaltë dhe në horizont nuk duket asnjë mrekulli”. Këto të dhëna vijnë nga Daily Express, burim i së cilës ka qenë një person i afërt me stafin mjekësor që ndjek gjendjen shëndetësore të kampionit gjerman, në këtë periudhë të vështirë të rikuperimit pas incidentit me ski të ndodhur më 29 dhjetor të vitit 2013.
Që prej asaj dite, Schumacher ka humbur plotë 25 kilogramë dhe si rrjedhojë peshon më pak se 45 kilogramë. “Schumacher ende nuk arrin të flasë dhe të ecë. Ai ka një ndërgjegjësim shumë të limituar nga ambienti që e rrethon”,- shkruan Daily Express.
Për Schumacher , në dhomën spitalore të krijuar në rezidencën e tij zvicerane në Glans, kujdeset një staf mjekësor prej 15 specialistësh mes së cilëve neurologë, fizioterapistë e logopedë, të cilët punojnë çdo ditë për të kthyer në gjendje normale pilotin e Formula 1.
Informacionet e fundit zyrtare mbi gjendjen shëndetësore të Schumacher janë dhënë në maj të këtij viti, kur zëdhënësi Kehm foli për progrese të vazhdueshme. Një prej mjekëve që ka mjekuar gjermanin për rreth 6 muaj në Centre Hospitalier Universitaire në Grenoble ka thënë se do të duhen ‘të pajton tre vite për të parë ndonjë përmirësim”./tesheshi.com/
