Duke komentuar ngjarjen e rëndë të Fierit, atë ku një 38-vjeçar rrëmbeu, vrau dhe më pas groposi një 8-vjeçar, kryeministri Rama komentoi dhe gjuhën e rëndë në parlament, atë që siç tha, është një trashëgim nga koha e komunzmit, por që inspiron mendësi kriminale në shoqëri.
“Unë mendoj që politika me gjuhën e saj, me akuzat, kam parasysh atë burim të pasur të këtij pisllëku gjuhësor dhe jo të gjithë, kountribon në ushqimin e një klime psikologjike të rënduar dhe është përgjegjësi e madhe ta bësh këtë. Ashtu sikundër qysh në kohën e Romës, është përcaktuar vija ndarëse mes akuzuesve dhe të akuzurave.
Por barabaria e trashëguar nga regjimi komunist, por sidomos nga ai që ishte hapësiar ku u rrit një popull i tërë dhe posaçërisht e gjithë gjenerata e politikës së këtyre 30 viteve me asnjë ide për ekzistencën e të ndryshimit, rivalit, kundërshtarit në ide, por vetëm me ide se kush mendon ndryshe është armik, i cili duhet pushkatuar, burgosur, vazhdon ende të ketë bishtat e vet edhe në ditët e sotme.
Është një çështje kulturore që nuk zgjidhet sa hap e mbyll sytë.
Ne e shohim edhe sot dhe ju të gjithë(gazetarët) jeni të detyruar që ta pasqyroni gjithë këtë furi të gjuhës së kohëve të vjetra që riprodhohet për arsye dhe mosarsye të politikës së ditës, kur shikon në ekrane fantazma të të shkuarës që flasin me gjuhë ekstreme, apo edhe pasqyrën e parlamentit ku për fat të keq nuk mungojnë ekstremet në akuza, atëherë është e kuptueshme që mesazhin që marrin shtresa të ndryshme të shoqërisë, edhe këta kriminelë është inkurajues, fatkeqësisht. Këtu nuk është çështja e mesazhit, por shembullit”, arsyetoi Rama. /tesheshi.com/
