Sali Berisha, personazh që më shumë se për lajm serioz politik vlen për fejton politik, ka shpërfaqur gëzimin e tij jo të padallaueshëm nga humbja e Erdoganit në zgjedhjet lokale. Mishërim par excellence i mllefit politik, ky mishërim dhe i politikës më fshatareske të mundshme, ka zbuluar arsyet pse Presidenti turk nuk ia doli kësaj here në sfidën e radhës zgjedhore, duke renditur një sërë budallallëqesh, siç është karakteristikë e tij.
“Turqia po ndryshon!
Opozita fiton zgjedhjet.
Të dashur miq, Opozita turke e udhëhequr nga Partia Republikane Popullore fitoi zgjedhjet lokale në Turqi.
Presidenti Erdogan ka pranuar humbjen dhe vlerëson fitoren e opozitës si pikë kthese në historinë e Turqisë. Qëndrime autoritare, afinitet i tepruar me Rusinë, braktisja e trashëgimisë kemaliste dhe nderhyrjet e tij dhe shtetit në çështjet e fesë, u ndëshkuan nga zgjedhësit turq në këto zgjedhje.
Shtoj këtu gjithashtu se humbja në Stamboll dhe Bursë, qytete me prezencë të fuqishme shqiptare, dëshmon se Erdogan pagoi gjithashtu mbështetjen obskure dhe aprincipiale personale që ai i ka dhëne këto vite Edi Ramës, këtij armiku të vërtetë të kombit shqiptar, i cili me narkshtetin që ndërtoi, largoi nga Shqiperia 1/3 e shqiptarëve.
Me këtë rast Partia Demokratike uron përzemërsisht fitoren e opozitës turke në këto zgjedhje dhe mbetet e hapur të bashkëpunoj me udhëheqjen opozitare në interesin më të mirë për një të ardhme në paqe e demokraci të dy popujve dhe dy vendeve tona”, shkruan njeriu edhe estradesk i politikës shqiptare, te i cili shkrihen si gjithnjë urrejtja dhe idiotësia.
Sigurisht, Berisha nuk ka dhënë ndonë shpjegim për disa disfata elektorale të Merkelit mbas disa mandatesh qeverisjeje…(!).
Dhe ky është rasti për të bërë publik atë çfarë Erdogan ka thënë për Berishën në një rreth privat: “Burrë më të poshtër nuk kam njohur…”. /tesheshi.com/
