Presidenti amerikan Joe Biden bëri një tjetër gafë.
Këtë herë gjatë një fjalimi në shtetin amerikan të Kolorados, kur gabimisht tha se djali i tij, i cili vdiq nga kanceri në vitin 2015, “humbi jetën në Irak”.
“Vetëm imagjinoni. Këtë e them sinqerisht. E them këtë si babai i një njeriu që mori Yllin e Bronztë, Medaljen e Shërbimit të Shquar dhe që humbi jetën në Irak”, tha presidenti amerikan teksa e shpalli Camp Hale monument kombëtar.
Joe Biden falsely claims his late son Beau "lost his life in Iraq."
Beau died of brain cancer. pic.twitter.com/gEfXZOdiys
— Wendell Husebø (@WendellHusebo) October 12, 2022
I ndjeri Joseph Robinette Beau Biden III lindi më 3 shkurt 1969 në Wilmington, Delaware dhe ishte fëmija më i madh i ish-senatorit dhe presidentit të 46-të të SHBA Joe Biden dhe gruas së tij të parë Neilia.
Beau vdiq në maj 2015 në moshën 47-vjeçare dhe në funeralin e tij, Barack Obama mbajti një fjalim emocionues dhe këngëtari i tij i preferuar Chris Martin këndoi për të. Beau Biden shërbeu në Irak në 2008 dhe 2009 dhe vdiq gjashtë vjet më vonë.
Kjo nuk është hera e parë që Biden bën gafa.
Së fundmi ai i ka habitur të gjithë të pranishmit me një deklaratë në Kongresin e Mësuesve në Uashington, duke thënë: “Ajo ishte 12 vjeçe dhe unë 30”. Shtëpia e Bardhë nuk shpjegoi se çfarë donte të thoshte presidenti amerikan me këtë. /tesheshi.com/
