Pas një tërheqjeje të lehtë, “strukur” në periferi të zhvillimeve të ethshme politike nga precdenti “Berisha”, alteregoja e tij, presidenti Meta, është rikthyer i “papenduar” në pozicionin e tij të viteve të fundit, duke ushqyer teori konspirative për të huaj që ia kanë me hile Shqipërisë.
“Jam krenar për gjithë veprimtarinë time në mbrojtjen e Kushtetutës, e cila është sulmuar në mënyrën më armiqësore, më tradhtare nga faktorë të jashtëm dhe të brendshëm për të pasur Shqipërinë sot një situatë aspak të dëshirueshme, në raport edhe me BE.
Kuvendi duhet të kishte çelur negociatat me kohë nëse do dëgjohej presidenti mbi zgjedhjet vendore apo Gjykatën Kushtetuese,” tha Meta në një prononcim për gazetarët.
I pyetur rreth shkarkimit të ti, ku në pritje është përgjigjja e “Venecias”, ai u përgjigj: “Jam i zhgënjyer për pyetjen tuaj, pasi nuk ekziston asnjë çështje në ‘Venecia’ për Presidentin. Ajo është çështje politike.
Jam tepër i qetë dhe i pa shqetësuar, për sjelljet e të tjerëve, pasi sjelljet e mia kanë qenë pro Kushtetutës”. /tesheshi.com/
