Macet dhe qentë janë të racave dhe të llojeve të ndryshme. Steriotipikisht, qentë janë më zemërhapur, më të dashur, më besnikë dhe aspak paragjykues. Nga ana tjetër, macet janë më egoiste, të egra dhe shumë sqimatare.
Maceve, gjithashtu ju pëlqen të rrinë vetëm ndërsa qentë preferojnë gjithmonë të jenë të shoqëruar nga i zoti i tyre dhe pavarësisht se kush është ai, mjafton që të jetë pranë tyre. Ndaj, nëse merrni një qen dhe shikoni se ai sillet si një mace, menjëherë do të vini re se ka diçka që nuk shkon me kafshën tuaj.
Ky është rasti i Tally, i cili mund të cilësohet se ‘macja-qen’ ose si ‘qeni-mace’, si të dëshironi. Pronari i Tally e dinte se qeni i tij ngjante shumë me macet, por pasi postoi disa foto në rrjetet sociale, u sigurua për bindjen e tij.
Njerëzit çuditeshin nga fotot e Tally pasi qeni kishte të njëjtën mënyrë të të sjelluri si edhe macet. Pronarët e Tally e adoptuan atë kur ishte vetëm 2 vjeç dhe e rritën në një ambient bashkë me macet. Edhe pse nuk flinin nën të njëjtën çati, me sa duket, macet arritën t’i jepnin një mësim jete qenit.
Fotoja e parë e Tally u bë virale, ndërsa në të tregohej qeni i ulur në këmbët e pasme, në pozicionin e një maceje. Ai dukej si një husky, por ngjante edhe me një mace shumë leshatore.
Me kalimin e kohës, qeni nisi të mësojë edhe të lëvizë bishtin, sikurse bëjnë macet. Tally mori edhe shumë zakone të tjera që identifikojnë felinët./tesheshi.com/
