Festa e SHBA-ve ka “bashkuar” si rrallëherë në publik tre krerët e shtetit shqiptar, por më konkretisht Presidentin Bujar Nishani dhe Kryeministrin Edi Rama.
Një marrëdhënie të ftohtë mes tyre, gjë që duket edhe nga fotoja e shkrepur nga operatori Arjan Isa, por që nuk mund të mos jetë korrekte dhe e edukuar. Qoftë edhe të shoqëruar nga bashkëshortet. Por duket se Nishani, marrëdhëniet më të mira i ka me Metën.
239-vjetori i Pavarësisë së Shteteve të Bashkuara të Amerikës është festuar në Pallatin e Brigadave përmes pritjes tradicionale të Ambasadës Amerikane në Tiranë, ku morën pjesë krerët më të lartë të shtetit.
Në këtë eveniment, ambasadori Donald Lu shmangu komentet politike. Të gjithë fjalën përshëndetëse ai ia kushtoi njerëzve me aftësi të kufizuara, pasi këtë vit festohet edhe 25-vjetori i ligjit për amerikanët me aftësi të kufizuara.
Nëpërmjet mesazhit të tij, ambasadori Lu inkurajoi dhe mbështeti përpjekjet e Shqipërisë në përmirësimin e jetesës së qyetetarëve shqiptarë me aftësi të kufizuara. /tesheshi.com/
