Ambasadorja e SHBA Yuri Kim tregoi potencën imponuese të vendit të saj, teksa bëri bashkë dy emra nga kampet kundërshtare, në një klimë aspak paqësore politik.
Ajo zhvilloi një takim me kryetaren e Komisionit të Punëve të Jashtme, Mimi Kodhelin dhe zëvendëskryetarin Tomor Alizoti, duke shkruar më pas.
“Faleminderit Mimi Kodheli dhe Tomor Alizoti për një bisedë të shkëlqyer. Në Uashington ose Tiranë, partneriteti SHBA-Shqipëri, tejkalon politikën partiake. Ne duam të punojmë me të gjithë udhëheqësit në demokraci, mbrojtje dhe biznes”.
Ajo thekson po ashtu se SHBA do të vijojë të mbështesë përpjekjet për ta bërë Shqipërinë një vend më të drejtë për të gjithë.
“Do të vazhdojmë të mbështesim përpjekjet për ta bërë Shqipërinë më të drejtë, më të fortë dhe më të begatë për të gjithë”, përfundon postimin e saj ambasadorja. /tesheshi.com/
