Zona turistike më me famë e turizmit dimëror në Europë është “Karlovy Vary”, pranë Pragës, ku ndodhen edhe burimet e pasura të ujrave termale kuruese. Në këtë vend që është i mbushur me operatorë turistikë dhe kulturor ka dhënë premierën filmi më i fundit u Bujar Alimanit, “Krom”, një dramë e xhiruar në qytetin e Bulqizës në verilindje të Shqipërisë.
Në në festivalin e madh të filmit Karlovy Vary pjesë e programit East of the Ëest u dha premiera botërore.
Të pranishëm në premierë ishin gjithë stafi realizues.
E veçanta e “Krom”është se vjen si një prodhim i përbashkët mes dy qendrave kinametografike të Kosovës dhe Shqipërisë. Dhe në fakt, kohët e fundit këto bashkëpunime kanë qenë të shpeshta dhe kanë hasur sukses në skenat botërore. Aktorët kryesorë të filmit janë Fredion Ruçi, Klodjana Keco, Mirela Naska, Kasem Hoxha.
“Krom” flet për një nënë memece e cila pas dy humbjeve të bashkëshortëve i duhet të vazhdojë të rrisë fëmijët e të jetojë edhe ajo vetë jetën e prerë përgjysmë.
Djali i saj pesëmbëdhjetëvjeçar përpiqet të njohë veten në një adoleshencë të vështirë mes shkollës dhe minieres së kromit.
Një mashkull që hyn mes djalit e nënës sepse nuk ka asnjë tjetër veç saj dhe një mësuese që është rebeluar për t’iu gjendur djalit si një “engjëll” në rrugën e tij.
Ky film është bashkëprodhim mes Kosovës, Shqipërisë, Gjermanisë dhe Greqisë me producentët Tefta Bejko, Valon Jakupaj, Anita Elsani, Thanos Anastopoulos, Stella Theodorakis i mbështetur nga Qendra Kinematografike e Kosovës dhe nga Qendra Kombëtare e Kinematografisë në Shqipëri. /tesheshi.com/
