FIFA pezulloi dhe ndëshkoi me gjobë presidentin e Shoqatës së Futbollit Palestinez, me pretendimin se u bëri thirrje tifozëve që të djegin fanellën dhe fotot e Lionel Messit, gjë që nuk ndodhi kurrë.
Muaj më parë, Jibril Rajoub ishte pjesë e një fushate për të parandaluar ekipin argjentinas që të luante një miqësore në Izrael, për të cilën shumë palestinezë u ankuan se shteti hebre do të përfitonte nga loja për “qëllime politike”.
FIFA tha në një deklaratë se thirrja e Rajoub kishte kontribuar në ekspozimin e “urrejtjes dhe dhunës”.
Pezullimi përfshin një periudhë prej 12 muajsh, si dhe 20,000 dollarë gjobë.
Shoqata e Futbollit Palestinez tha se sanksionet ishin të ekzagjeruara.
“Ndëshkime maksimale për akuzat që nuk janë provuar”, deklaroi ajo.
Kujtojmë se Shoqata e Futbollit Argjentinas e anulloi miqësoren me Izraelin e cila do të luhej në Jerusalemin e saposhpallur kryeqytet.
Më pas, Shoqata e Futbollit Palestinez bëri një deklaratë duke i shprehur mirënjohjen Messit dhe shokëve të tij për anulimin e ndeshjes. /tesheshi.com/
