Federata Ndërkombëtare e Futbollit (FIFA) ka njoftuar se do të vendosë kufizime në numrin e lojtarëve që klubet mund t’i dërgojnë në huazim dhe të huazojnë në nivel ndërkombëtar.
Siç thuhet, nga sezoni 2022/23, klubet do të mund të kenë maksimumi tetë lojtarë të huazuar nga klubet e tjera.
Këto kuota do të ulen në shtatë në sezonin më vonë dhe në gjashtë në sezonin që fillon pas 1 korrikut 2024.
Një rregull tjetër që FIFA po prezanton është se maksimumi tre lojtarë do të mund të shkojnë në të njëjtin kub dhe marrëveshja minimale dhe maksimale e huazimit do të jetë një vit.
Përveç kësaj, klubi në të cilin lojtari është i huazuar nuk do të jetë në gjendje t’ia kalojë atë një klubi të tretë.
Kufizimet nuk do të zbatohen për lojtarët nën moshën 21 vjeç dhe futbollistët që janë rritur në ambientet e të rinjve të klubit. /tesheshi.com/
