Në pamje të parë mund të jetë një lajm që ju ligështon apo ndoshta mund t’ju krijojë edhe ndonjë grimcë humori, por nëse reflektojmë mund ta kuptojmë shumë mirë drejtimin dhe rrjedhën që po merr shoqëria mbarë botërore në ditët e sotme dhe mund të ndërgjegjësohemi që nuk është aspak për të qeshur. Viti 2015 u mbyll me më shumë viktima të shkaktuara prej fotografive selfie sesa prej sulmeve të peshkaqenëve.
Viktimat e shkaktuara prej fotografive selfie, gjatë vitit 2015, kanë qenë 12, ndërsa viktimat e shkaktuara prej sulmeve të peshkaqenëve kanë qenë as më pak e as më shumë se 8. Pjesa më e madhe e tyre kanë rënë aksidentalisht, por ka edhe ata që kanë humbur jetën për të bërë fotografinë e përsosur ndërsa një tren ka qenë duke ardhur në drejtim të tyre.
Personat e vdekur duke realizuar një selfie kanë janë mesatare të moshës nga 18 në 22 vjeç, por mes tyre ndodhet edhe nj japonez i moshës 66 vjeçare, i cili ka rënë nga shkallët dhe ka ndërruar jetë ndërsa mundohej të realizonte një fotografi në Taj Mahal të Indisë.
Ka edhe nga ata që kanë ndërruar jetë duke bërë selfie me një dem, gjatë një gare në Spanjë. A ia vlen me të vërtetë të rrezikojmë kaq shumë jetën vetëm e vetëm për një fotografi dhe për të arritur majën e audiencës në rrjetet sociale? Mendojeni, keni kohë gjithë vitin 2016./tesheshi.com/
