Familjarët e personave të burgosur në Maqedoni për rastin “Kumanova”, kanë paraqitur shqetësimin pas transferimit që iu është bërë të afërmve të tyre nëpër burgjet e Prilepit dhe Manastirit, ku dyshohet që janë vendosur nëpër qeli dhe torturat ndaj tyre kanë rifilluar në mënyrë ç’njerëzore, siç shprehen ata.
Sipas tyre, kjo është vërtetuar dhe nga avokatët. Në një deklaratë për mediat, ata e kanë ashpërsuar gjuhën deri dhe në paralajmërin për hakmarrje ndaj shtetit maqedonas, nëse vijon një trajtim i tyre në shkelje të normave ndërkombëtare. Ja dhe teksti i deklaratës:
“Ata burra janë njerëzit më të shtrenjtë për ne dhe për vendin tonë. Respektoni konventat ndërkombëtare për të burgosur të luftës!
Mjaft i keni shkelë të drejtat e tyre, shkelje për të cilat një ditë do përgjigjeni para ligjit ndërkombëtar!
Mos tentoni të eliminoni trimat tanë me skenare monstrouze, se më nuk do rrijmë duarkryq!
Ju paralajmërojmë që do ta paguani shtrenjtë!
Njëherit kërkojmë urgjentishtë që shteti i Kosovës të marr hapat e duhur dhe të kryej obligimet e veta kushtetuese!”, thuhet në në deklaratën e familjarëve të të burgosurve.
/tesheshi.com/
