Nga Gani Gashi
Kryetarët e 4 komunave të veriut të Kosovës, dyshohen se i kanë organizuar grupet ekstremiste serbe që të djegin dhe shkatërrojnë tërësisht dy pika kufitare në veri të Kosovës, pas shpalljes së pavarsisë në vitin 2008.
Në anën tjetër, institucionet e drejtësisë në Kosovë, si ato vendore ashtu dhe ato ndërkombëtare, UNMIK-i dhe EULEX-i, deri më tani nuk kanë arritur që asnjë person ta çojnë para drejtësisë apo të akuzojnë ndokënd për këto shkatërrime.
Por djegjeve të pikave kufitare dhe shpalljes së pavarsisë, ia kanë parë sherrin edhe rreth 40 nëpunës të ish-doganave të UNMIK-ut, tani të Kosovës, të cilët nën kërcënimin direkt të ish-ministrit të financave të Serbisë, Mllagjan Dinkiqit, kanë lëshuar punën.
“Rreth 40 doganierë serbë që kanë lëshuar punën në doganat e Kosovës në vitin 2008, pas shpalljes së pavarsisë së Kosovës, shumica prej tyre ende janë të pa punë, e vetëm 10 prej tyre janë kthyer në vendet e tyre të punës në doganat e Kosovës”, ka thënë për portalin ‘tesheshi.com’, një ish-doganier serb i Kosovës me kusht të anonimitetit.
Konkretisht ai thotë se: Kur grupe ekstremiste serbe të veriut të Kosovës të udhëhequr nga ish-katër kryetarët e komunave: ai i Mitrovicës, Kërstimir Pantiq; i Zveçanit, Dragisha Milloviq; i Zubin Potokut, Sllavisha Ristiq; dhe i Leposaviqit, Branko Niniq, dogjën dhe shkatërruan tërsisht dy pikat doganore G1 në Jarinje të Leposaviqit dhe G 31 në Bërrnjak të Zubin Potokut, neve doganierëve na mashtruan”.
“Na thanë lëshoni punën se ne do ju punësojmë në doganat e Serbisë, ndërsa që tash e 7 vite, doganierët marrin vetëm një pagë-ndihmë sociale nga qeveria e Serbisë përkatëshisht ministria e Financave nga 150 euro apo 1700 dinar”, ka thënë ish-doganieri serb.
Siç thotë ai, nëpunësit serbë të cilët në atë kohë kanë punuar në doganat e UNMIK-ut, u detyruam nga Beogradi që menjëherë ta lëshojnë punën dhe
“Pas këtij urdhëri, 40 serbë të Kosovës që kanë punuar në doganat e Kosovës kanë lëshuar punën duke i prishuar kontratat e punës me UNMIK-un dhe një ditë më pas kemi nënshkruar kontrat e reja të punës me ministrin e Financave të Serbisë të udhëhequar nga Mllagjan Dinkiq, që në botën perendimore njihet si njëri shumë i përparuar me ide everopiane”, sqaron ai, e ndërkohë që në ekzekutiv vinte nga ‘G17 plus’, që njihej si një parti teknokratësh në botën perendimore dhe gjithashtu demoktarike, por që në realitet sa i përket Kosovës zbatonin politikën e diktatorit Millosheviq”.
E për këtë arsye, thotë ai, Dinkiq, u ka kërkuar serbëve që të tregojnë dokumentin e prishjes së marrëdhënies së punës në doganat e UNMIK-ut dhe mbylljen e xhirollogarisë. Kohë më parë, thotë ai, Serbia është munduar ta zgjidhë problemin e 40 ish-doganierëve, pasi dhe këta të fundit kanë kërkuar me ngulm rikthimin në vendin e punës në pikat kufitare me Kosovën dhe Malin e Zi, por pa asnjë rezultat. Dhe kjo ka bërë që 10 prej tyre të guxojnë e të rikthehen.
Ndërsa 30 të tjerë, vijojnë të vuajnë tradhëtinë e Beogradit, shton ai.
Sqarohet prej serbit që kërkon të mbetet anonim se ka qenë Norvegjia, përkatësisht ëmisioni i saj në Kosovë, që paska ndërhyrë për kthimin e tyre në vendet e braktisura të punës, pasi ka patur një dakortësi për këtë çështje në bisedimet ndërmjet Prishtinës dhe Beogradit në Bruksel.
Vendimi është marrë për 10 sish, ndërkohë që kërkesa është bërë nga 24 ish-doganierë, të cilët kanë ndërhyrë deri në Prishtinë për t`u kthyer në punë, ama me kushtin që të punojne vetëm në pikat kufitare që janë me Serbinë dhe askund tjetër.
Por, pasi zyrtarët në Prishtinë nuk kanë pranuar që të ndodhë një gjë e tillë, doganierët e papunë serbë nuk kanë pranuar t`i nënshkruajnë kontratat.
Sipas burimit, Serbia po luan me fatin e doganierëve që i detyroi në një farë mënyre me dhunë t`i lëshojnë vendet e punës, pasi që në listat e pagave të Serbisë figurojnë edhe disa ish-doganierë serbë të Kosovës të cilët në kohën e UNMIK-ut janë përjashtuar nga puna për shkak të marrjes së rryshfetit, korrupsionit, apo edhe për kontrabandim të mallrave.
Në anën tjetër, zyrtarë të doganave të Kosovës i kanë thënë portalit ‘tesheshi.com’ se doganat e Kosovës e kanë rendin e tyre të punës dhe të gjithë të punësuarit aty duhet të respektojë atë.
Ndërsa që zyrtarë të EULEX-it në Mitrovicë nuk kanë dashuar që të komentojnë rreth asaj se a ka ndonjë hetim apo ndonjë person të dyshuar tash pas 7 vitesh për djegejen e dy pikave kufitare në veri të vendit. /tesheshi.com/
