Kryeministri shqiptar, Edi Rama, do të jetë nesër në Prishtinë në ceremoninë për inagurimin e shtatorit të Ismail Qemalit.
Ceremonia e organizuar nga kreu i komunës së kryeqytetit të Kosovës, Shpend Ahmeti, do të jetë solemne dhe në të do të marrin pjesë Presidentja e Kosovës, Atifete jahjaga, kryeministri Isa Mustafa dhe personalitete të tjera.
Ceremonia e vendosjes së shtatores së Ismail Qemalit do të bëhet në orën 13.00 në hapësirën para ish Pallatit të Shtypit, në bashkëorganizim me Bashkinë e Vlorës.
Gjatë kësaj ceremonie, do të performojnë kori i filarmonisë së Kosovës dhe ansambli “Rexho Mulliqi”.Në nëntor të vitit 2014, në një takim të kryetarit të Komunës së Prishtinës, Shpend Ahmeti me delegacionin e intelektualeve nga qyteti i Vlorës u patën shpalosur hollësitë e idesë dhe projektit të vendosjes së shtatoreve të Ismail Qemalit në Prishtinë, dhe atë të Hasan Prishtinës në Vlorë.
Vendosja e shtatores e simbolizon rolin e Ismail Qemalit në pavarësinë e shqiptareve si dhe në zhvillimin e kombit shqiptar.
/tesheshi.com/
