Rusia nuk ka marrë ende zyrtarisht ofertën e Turqisë për të pritur bisedimet e paqes midis Moskës dhe Perëndimit, tha Ministria e Jashtme ruse.
Presidenti rus Vladimir Putin do të takohet këtë javë në Astana të Kazakistanit me homologun e tij turk Rexhep Tajip Erdogan për të diskutuar mbi Ukrainën dhe çështje të tjera dypalëshe.
Kremlini nuk e ka përjashtuar mundësinë që të dy liderët të diskutojnë edhe propozimin turk për bisedimet e paqes, por Ministria e Jashtme tha se nuk kishte informacion mbi këtë çështje përmes kanaleve zyrtare diplomatike.
“Përgatitjet janë duke u zhvilluar për takimin” të enjten, u tha gazetarëve zëdhënësi i Kremlinit Dmitry Peskov, duke sqaruar se do të ishte një mundësi për të diskutuar “situatën në Ukrainë, marrëdhëniet dypalëshe dhe shkëmbimin e pikëpamjeve” mbi çështjet aktuale.
Erdogan do të niset për në Astana të mërkurën, fillimisht për bisedime me presidentin kazak Kassym-Jomart Tokayev dhe do të takohet me Putin të enjten, tha gjithashtu një zyrtar turk për AFP, duke folur në kushte anonimiteti. /tesheshi.com/
