Gjermania do t’i dorëzojë Ukrainës raketa kundërajrore “shigjeta” të prodhimit sovjetik.
Ky lajm është transmetuar për mediat gjermane nga burime nga Ministria e Ekonomisë gjermane. Megjithatë, qeveria gjermane nuk e konfirmoi menjëherë këtë informacion.
Vetëm më vonë Berlini konfirmoi se kishte miratuar dërgimin e 2700 raketave “shigjeta” të epokës sovjetike në Ukrainë, sipas burimeve qeveritare.
Armët vijnë nga një magazinë e kontrolluar dikur nga Gjermania Lindore e kontrolluar nga sovjetikët, e cila u ribashkua me Gjermaninë Perëndimore pas rënies së Murit të Berlinit në 1989.
Gjatë fundjavës, qeveria gjermane vendosi t’i dorëzojë Ukrainës 500 raketa amerikane Stinger tokë-ajër dhe 1000 armë antitank.
Një burim i tha Reuters se raketat ishin “gati për transport”, por se Këshilli Federal i Sigurimit ende nuk e ka miratuar dërgesën.
Megjithatë, kjo dërgesë është vënë në pikëpyetje edhe para se të dërgoheshin raketat.
Përkatësisht, qindra raketa “shigjeta”, të cilat Gjermania premtoi t’i dorëzonte Ukrainës për t’u mbrojtur nga operacioni ushtarak rus, nuk janë të përdorshme, pohon Der Spiegel.
Sipas këtyre të dhënave, nga 2700 raketa “shigjeta” të ish-ushtrisë së ish-RDGJ, rreth 700 prej tyre janë të papërdorshme.
Raketat janë të paktën 35-vjeçare dhe në vitin 2012 u ndalua përdorimi i tyre. Arsyeja e ndalimit të përdorimit janë mikroçarjet dhe korrozioni.
Sipas Der Spiegel, raketat mbaheshin në kuti druri, ndërkohë që që ushtarakët gjermanë duhej të përdornin pajisje speciale mbrojtëse kur ato u transferuan në nëntor. /tesheshi.com/
