Prokuroria nuk ka vonuar. Ka dërguar menjëherë me korrier shkresën zyrtare për arrestimin e deputetëve Tom Doshi dhe Mark Frroku. Kështu që nesër është lënë të mblidhet këshilli i rregullores dhe mandateve, i cili vendos nëse kërkesa e Prokurorisë do të duhet të çohet në seancë për miratom apo do ta kthejë mbrapsht. Një precedent në fakt ekziston kur ish-kryeprokurorja Ina Rama kërkoj heqjen e imunitetit të deputetit Fatmir Mediu por kreu i Kuvendit Topalli e cilësoi shkresën e Prokurorisë si të paplotë.
Pas miratimit të kërkesës, shkresa shkon në seancën plenare e cila mund të thirret nga Konferenca e Kryetarëve që do të duhet ta vendosë urgjentisht në rend dite shkresën e prokurorisë. Me ta miratuar konferenca e kryetarëve, pra këto procedura kërkojnë të paktën një javë, mblidhet seanca e cila mund të thirret dhe urgjentisht dhe të shqyrtojë me votim të fshehtë kërkesën për arrestim. Më pas deputetët janë të lire të procedohen, por nëse do të arrestohen kërkesën duhet ta miratojë gjykata. Për veprat penale të kallëzimit të rremë dhe kanosjes dënimi është nga 1-4 vjet burg. Parlamenti shqiptar ka miratuar dy herë kërkesat për arrestimin e deputetëve; në vitin 1993 për liderin e atëhershëm të opozitës fatos nano dhe ish-deputetin e PD-së, Arben Lika që u akuzua për kontrabandë.
(tesheshi.com)
