Dy zhvillime deçizive pritet tw ndodhin në dy ditët e para të kësaj jave në lidhje me hapjen e negociatave të Shqipërisë në Bashkimin Europian.
Presidenti i Këshillit të Ministrave të BE-së, Donald Turk mbërrin nesër në Tiranë për të sjellë një mesazh në Tiranë, kurse Edi Rama do të jetë të mërkurën në Berlin i thirrur nga Angela Merkel.
Më i rëndësishmi është takimi Rama-Merkel, pasi do të shpallë zyrtarisht vendimin e Berlinit në Samitin e Sofjes.
Nëse Merkel thotë “Po” pa ekuivok, sipas të gjitha gjasave negociatat mund të quhen të hapura. Nëse kancelarja thotë “Po, por..” atëherë situata do të jetë më e komplikuar.
Ditmir Bushati, deklaroi dje se turi i lobimit deri në maj do të nisë nga Gjermania dhe kjo është normale.
“Natyrisht Gjermania është një vend motor për proceset e integrimit europian. Nuk kam hezituar ta konsideroj një kritike të rreptë dhe një partner për Shqipërinë dhe rajonin dhe të gjitha proceset e transformimit demokratik dhe zhvillimit ekonomik e social, Franca mbetet gjithashtu një stacion me ëe cilin ne do të intensifikojmë komunikimin në periudhën në vijim”.
Vendimin për Shqipërinë, Merkel do ta marrë në Parlament, pasi çdo vendim qeveritar kalon nëpërmjet Bundestagut.
Bushati pritet që të nisë një tjetër tur në Parlamentin gjerman.
“Komunikimi me Bundestagun gjerman ka qenë aktiv edhe gjatë periudhës së marrjes së statusit të vendit kandidat me seanca dëgjimore, jo thjesht me Komisionin për çështjet europiane, Komisionin e çështjeve politike por edhe me fraksionet e ndryshme parlamentare. E njëjta gjë do të vijojë edhe përsa i përket hapjes së negociatave”, tha ministri i Jashtëm dje në një intervistë televizive. /tesheshi.com/
