Përveç shampove, regjeneratorëve dhe shkumës për volum, flokun e yndyrshëm mund ta trajtoni edhe me një maskë te veçantë, të gjitha mjetet e nevojshme për përgatitjen e së cilës me siguri i keni në kuzhinën tuaj!
Një herë në muaj rekomandohet piling për flokë, edhe atë pa pasur nevojë të largoheni nga kuzhina. Thjesht përzini një lugë tharmi pluhur (pecivë) me një decilitër ujë të vakët dhe me këtë lyejini mirë flokët që t’i hapni poret. Lëreni të qëndrojë 10 minuta dhe pastaj lajini flokët me shampo. Të njëjtën gjë mund ta bëni edhe me sodë bikarboni.
Nëse keni flokë të yndyrshme nuk rekomandohet t’i mbani të gjata, pasi ato janë më të vështira për mirëmbajtje dhe në mënyrë joestetike varen nga maja e kokës. Provoni krehje të shkurtër bob model, ose deri në supe, duke e theksuar shtresën e butë përreth fytyrës, e cila do t’u japë volum flokëve./tesheshi.com/
