Ish luftëtari i forcave maqedonase të sigurisë, u transformua në “hipi”. Përkundër paralajmërimit se do t’okupojë me dhunë televizionin publik të Maqedonisë, Stojanço Angellov, tentoi ta bëjë këtë me gra, të cilave u bëri thirrje të marshojnë, i bindur se policia nuk do t’ushtrojë dhunë mbi to.
Ky është një “Hipi-Revolucion” në të cilin përhapet dashuria, për dallim nga urrejtja të cilën e promovon pushteti” –tha Angellov, nga organizata ‘Dinjiteti’, e themeluar nga ish luftëtarë maqedonas të konfliktit nga viti 2001.
Tentativa e grave për të hyrë ne televizion ishte e pasuksesshme, pasi u penguan nga kordoni policor, ndërsa nuk i ndihmuan as përqafimet që u’a dhuruan forcave të rendit.
Televizioni publik, është shënjestër e kritikave pasi nuk po informon për aferën e përgjimeve të cilën po e shpalos opozita. /tesheshi.com/
