Deputeti i opozitës Dashnor Sula, u ka kujtuar kolegëve të tij të mazhorancës se një ditë do vdesin e se më pas i pret një gjykim nga vetë Zoti për atë që kanë lënë pas.
Ai e përcolli këtë mesazh me natyrë klerikale gjatë një séance kur po debatohej mbi rastin e fundit të një arrestimi nga SPAK, atë të Sekretares së Përgjithshme të Ministrisë së Shëndetësisë, nën akuzën e korrupsionit. “Kini një gjë parasysh: të gjithë në këtë dynja jemi të vdekshëm. Të gjithë, do vijë një orë dhe do japin llogari para Zotit”, tha Sula, duke potencuar në fakt të vërtetën e madhe të jetës si dhe më të rëndësishmen e njeriut, por që zë shumë pak vend në të zakonshmen e politikës e jo vetëm.
Kështu, mazhoranca ka shkuar deri gadishmëria për ta çuar para drejtësisë çdo të korruptuar, edhe në radhët e saj, së paku parimisht, por zëri peqinas nga opozita avancon më tej duke u kujtuar kolegëve se gjykimi për të cilin duhet të kihet frikë e që kjo frikë është e vetmja vetëfrenuese për të mos u korruptuar, është ajo ndaj Zotit, para së cilit do dalë çdo krijesë për të dhënë llogari.
Çështja bëhet më e rëndë se ndërsa burgu i është gjithsesi i përkohshëm e jo domosdoshmërisht me të gjitha dhembjet, xhehenemi është i përjetshëm dhe ndëshkim pa asnjë lehtësim. /tesheshi.com/
