Nga Blendi Gashi
Departamenti Amerikan i Shtetit ka konfirmuar se sekretari, John Kerry do të vizitojë Kosovën më 2 dhjetor. Sipas DASH, Kerry do të takohet në Prishtinë me zyrtarë qeveritarë dhe do të diskutohen “çështje bilaterale” si dhe “çështje rajonale”.
Por tej frazave diplomatike korteziale, kjo vizitë shihet si çelçsi i zgjidhjes së krizës politike që ka kapluar Kuvendin e Kosovës për më shumë se dy muaj.
Ligjvënësit kosovarë dhe analistët thonë se vizita e sekretarit Kerry është sinjal i qartë se më në fund po shihet një dritë e madhe në fund të tunelit dhe se vendi do t’i kthehet normalizimit politik.
Deputeti i PDK-së, Rrustem Mustafa e sheh esenciale vizitën e sekretarit amerikan në rikthimin e normalitetit në Kuvend.
“Jam i sigurt se po ofrohemi drejt normalizimit institucional. Pa dyshim se vizita e John Kerry është esenciale në këtë zhvillim”, ka deklaruar Mustafa, për portalin tesheshi.com.
Deputeti i LDK-së, Adem Salihaj thotë se edhe pse nuk i di arsyet e vizitës së Kerryt në Kosovë, por fakti se një personalitet i tillë do të vijë për vizitë do të thotë shumë.
“Besoj se sekretari Kerry do të përqojë mesazh të qartë se gjendja në Kosovë duhet të jetë stabile dhe se institucionet e Kosovës duhet të funksionojnë normalisht. Një shtet jo stabil nuk mund të ecen përpara. Opozita nuk është edhe aq bashkëpunuese me ndërkombëtarët nuk mund ta themi nëse do të tejkalohet kriza me një siguri të plotë. Por kjo vizitë do të ketë ndikim të madh në të gjitha proceset”,ka deklaruar Salihaj për tesheshi.com.
Analisti Blerim Burjani, në një prononcim për tesheshi.com thotë se z.Kerry do të sjellë porosi të qartë për partitë politike të etshme për pushtet dhe privilegje. 
“Absurditeti që po ndodhë në Kosovë përballë zhvillimeve ndërkombëtare ka humb arsyen e këtyre njerëzve të partive politike për pushtet. Kjo politikë duhet të vendoset në binarë të zhvillimeve të kësaj kohe, përderisa sjellja e kësaj klase politike është e njëjte dhe jo produktive me marrje me vetveten. Z. Kerry do t’iu bëjë me dije gjërat dhe zhvillimet aktuale që po kalon bota dhe regjioni i ballkanit. Nuk mund që kjo klasë pilitike të humb investimet e shumta për të siguruar stabliltet vendor dhe regjional dhe ndërkombetar”, ka deklaruar Burjani.
Analisti politik Faik Krasniqi, beson se në kjo vizitë po ndodh për të bërë trysni tek pozita dhe opozita në Kosovë, për t’i dhënë fund mosmarrëveshjeve të tyre dhe kthimit të normalitetit në vend. 
Krasniqi ka deklaruar për tesheshi.com se kjo klasë politike e njeh vetëm gjuhën e presionit dhe frikën e Bashkësisë Ndërkombëtare.
“Mirë do të ishte që z. Kerry t’u thotë liderëve tanë politikë dhe kësaj klase politike në përgjithësi, se ka ardhur koha që të largoheni nga skena politike, sepse tash e 16 vite vetëm i keni sjellë dhe po i sjellni dëme Kosovës”, ka deklaruar Krasniqi.
Se Kerry do të jetë çelësi i zgjidhjes mendon edhe gazetari Berat Buzhala, por nw mwnyrw shumw folklorike:
“Qe një bast: para kësaj date, njana prej tri partive opozitare ka me k’cy prej anijes se përbashkët…”, ka shkruar në Facebook, Buzhala.
/tesheshi.com/
