A duhet të zbatohen disa forma dënimi te fëmijët? Mundet, por duhet të jenë të arsyeshme, nuk duhet të përmbajnë dhunë dhe duhet të kenë qëllim edukues.
Fëmija mund të vihet në dënim duke filluar nga dy vjeç e lart, sepse vetëm pas kësaj moshe fillon t’i kuptojë udhëzimet, këshillat dhe ndalesat. ‘Dënimi’ në këtë moshë duhet të shërbejë në raste kur rreh ndonjë bashkëmoshatar, gjuan sende ndaj njerëzve apo bën veprime me të cilat mund ta dëmtojë veten.
Megjithatë, dënimi duhet të jetë simbolik dhe jo traumatizuez: si për shembull qëndrimi në një cep të dhomës dhe jo në banjë apo në dhomë të errët.
Me fëmijët më të mëdhenj mund të aplikohet mohimi apo të privuarit nga diçka si televizori, daljet etj. Përtej këtyre masave nuk duhet shkuar sepse do të ishte e padrejtë dhe një formë pushtetit ndaj fëmijës që i bën dëm kur rriten./tesheshi.com/
