Deputeti opozitar Dashamir Shehi, që njëherësh është dhe kryetari i Lëvizjes për Zhvillim Kombëtar, thotë se nuk sheh ndonjë fitore të opozitës në këto zgjedhje, ashtu siç po pretendohet, por vetëm rezistencë.
Gjatë një deklarimi për TV Klan, Shehi tha:
“Ditën e fundit të mitingut unë kam thënë që ne do të rezistojmë dhe do të fitojmë. Tani rezistencën e kemi bërë, por fitorja është për herën tjetër, në vitin 2017. Qëllimi ynë ishte që të merrnim 20 njësi bashkiake.
Ka pasur njerëz që kanë menduar se nuk do të merrnin as pesë njësi bashkiake. Fitorja është larg, kështu që nuk ka asgjë për të pasur entuziazëm. Absolutisht.
Në fund të fundit ishte kronika e një rezultati të paralajmëruar.”
