Kreu i diplomacisë së Beogradit, Ivica Daçiç është përbetuar sërish duke thënë se “Serbia kurrë nuk do të njohë pavarësinë e Kosovës”. Më tej ai shtoi se tërheqja e njohjes së pavarësisë së Kosovës është tema e tij e përditshme. Deklarimet Vuçiç u shoqëruan me akuza ndaj paraardhësit Vuk Jeremiç e ish-kryeministrit Tadiç, e mburrje për punën e tij diplomatike me temë “Kosovën”.
“Tërheqja e njohjes së pavarësisë së Kosovës është tema ime e përditshme. Kjo nuk është e lehtë. Gjatë qëndrimit tim, gjashtë shtete tërhoqën njohjen e Kosovës, ndërsa gjatë mandatit të Boris Tadiçit dhe Vuk Jeremiçit, mbi 80 vende e kanë njohur Kosovën e pavarur”, tha Daçiçc.
Ai shtoi se Tadiç dhe Jeremiç nuk e dinë se kush janë në hartë ato vende që tërhoqën njohjet e tyre dhe se atje ndoshta shkojnë vetëm e për pushime.
“Gjatë mandatit tim, flamuri serb ka lulëzuar për herë të parë në një institucion amerikan”, vijoi vetëmburrjen Daçiç.
Ndërsa sa i përket çështjes delikate, asaj të një ripërcaktimi kufijsh me Kosovën, njeriu në krye të diplomacisë serbe, tha se duhet të studiohet njëherë nëse ka interes. /tesheshi.com/
