Transmetuesi shtetëror rus Russia Today ka shkarkuar prezantuesin televiziv Anton Krasovsky pasi komentet e tij të mbushura me urrejtje për Ukrainën shkaktuan zemërim brenda dhe jashtë vendit.
“Deklaratat e Anton Krasovskit janë barbare dhe të tmerrshme,” tha kryeredaktorja e RT, Margarita Simonyan(një putiniste e betuar) në kanalin e saj Telegram të hënën.
Si drejtues i programit në gjuhën ruse të RT-së, 47-vjeçari Krasovski ka muaj që flet me urrejtje për Ukrainën dhe që nga shkurti është në listën e sanksioneve të Bashkimit Evropian.
Skandali u shkaktua nga deklarata e Krasovsky në një program televiziv se fëmijët ukrainas, të cilët besojnë se Rusia ka pushtuar Ukrainën, duhet të hidhen në lumë dhe të mbyten ose të mbyllen në një kasolle dhe t’u vihet zjarri.
Ai gjithashtu mohoi të drejtën e Ukrainës për të ekzistuar, bëri thirrje për pushkatimin e ukrainasve dhe banalizoi përdhunimin.
Ministri i Jashtëm ukrainas Dmytro Kuleba i bëri thirrje komunitetit ndërkombëtar të ndalojë RT, e cila transmeton edhe në anglisht.
Simonyan tha se Krasovski ishte kapur nga “çmenduria e përkohshme” dhe se ajo përkohësisht po e ndërpret bashkëpunimin e RT me të në mënyrë që askush të mos mendojë se ajo apo punonjës të tjerë të RT ndanë pikëpamje të tilla.
Krasovski, i cili dikur konsiderohej gazetar liberal, ka tërhequr disa herë vëmendjen gjatë viteve të fundit për glorifikimin e dhunës.
Në fillim të tetorit, ai tha se po festonte sulmet me raketa në Ukrainë.
“Unë po kërcej në ballkon me një këmishë nate që thotë ‘ushtria ruse’,” tha ai.
Krasovski tha të hënën se i vinte keq që kaloi kufirin dhe shtoi se ndonjëherë “merret”. /tesheshi.com/
