Ish-futbollisti holandez Clarence Seedorf, i cili për shumë vite ka luajtur për Milanin italian, ka bërë të ditur se është konvertuar në Islam, raporton Anadolu Agency (AA).
“Faleminderit të gjithëve që më uruan për anëtarësimin në familjen muslimane”, postoi 45-vjeçari Seedorf në Instagram, duke shtuar se ishte shumë i lumtur që u konvertua në Islam.
“Falenderim i veçantë për të dashurën time Sophia, e cila më takoi dhe më mësoi për Islamin”, shkruan ai, pa dhënë detaje se si ndodhi kjo, a më saktë cila është Sophia në kuptimin fetar të fjalës.
Ai ka theksuar se nuk do ta përdorë emrin e ri pasi të jetë bërë musliman, duke shtuar se do të vazhdojë të përdorë emrin që i kanë vënë prindërit.
Gjatë karrierës së tij të pasur futbollistike, Seedorf luajti për Ajax, Sampdoria, Real Madrid, Inter Milan, AC Milan dhe Botafogo.
Në karrierën e tij si trajner, ai drejtoi AC Milan, Shenzhen, Deportivo La Coruna dhe kombëtaren e Kamerunit.
Për kombëtaren e Holandës ka luajtur 87 ndeshje dhe ka shënuar 11 gola. /tesheshi.com/
