Kjo është një nga llojet më interesante, por edhe më të rralla të reve për shkak të kohëzgjatjes së saj të shkurtër. Më shpesh, ato zhduken tashmë disa minuta pasi shfaqen. I përkasin grupit cirrus dhe quhen cirrus Kelvin-Helmholtz. Ato shkaktohen nga dallgët ose disa paqëndrueshmëri në atmosferë dhe janë të lidhura me turbulencat e pastra të ajrit.
Vendasja Rachel Gordon kapi pamjen shumë të rrallë dhe mahnitëse të reve, duke thënë se donte që të tjerët të shijonin përvojën.
“Kjo ishte e veçantë dhe e kuptova menjëherë se duhej ta filmoja”, tha Rachel Gordon.
Një fenomen valëzim ishte i dukshëm të martën, më 6 dhjetor mbi majën e maleve Bighorn.
E njohur si paqëndrueshmëria Kelvin-Helmholtz, ato ndodhin kur një rrymë më e shpejtë ajri lëviz mbi ajrin që ngrihet poshtë.
Banorja lokale Gordon tha se ajo i bëri fotografitë para shtëpisë së prindërve të saj dhe i postoi në faqen e Facebook – Wyoming trough The Lens.
Ashtu si valët në oqean, atmosfera lëviz dhe reagon ndaj mjedisit rreth saj. Ajri në mënyrë efektive ngrihet dhe rrokulliset mbi vete, është shpjegimi i ekspertit për këtë fenomen.
“Këto imazhe janë një nga shembujt më mahnitës dhe epikë të reve Kelvin-Helmholtz që kam parë ndonjëherë”, tha Matt Taylor për BBC Weather.
Formimi i reve mban emrin e shkencëtarëve Lord Kelvin dhe Hermann von Helmholtz, të cilët studiuan fizikën pas fenomenit.
“Një pjesë e bukurisë së reve Kelvin-Helmholtz është se ato vërtet tregojnë rrjedhshmërinë e atmosferës,” tha ai.
Cloud Appreciation Society me bazë në Mbretërinë e Bashkuar përshkruan formacione të tilla si xhevahiri i kurorës në shumë koleksione të vëzhguesve të reve.
Të njohura edhe si retë e luhatshme, ato konsiderohen si një frymëzim i mundshëm për pikturën e Van Gogh-ut, “Nata me yje”, raporton BBC. /tesheshi.com/
