Arsenal triumfon në kryendeshjen e mbrëmjes përballë Bayern Mynih. Gunners arrijnë të realizojnë kështu më shumë se një fitore, pasi i dhanë fund serisë së fitoreve të njëpasnjëshme të skuadrës të Pep Guardiolas, një lloj “Barcelone nr. 2” e viteve të fundit.
Golat e Olivier Giroud dhe Mesut Ozil ishin vendimtar në triumfin e topçinjëve përballë bavarezëve, duke hapur kështu garën në grupin F, pasi tashmë nuk ka skuadra favorite dhe lufta për dy vendet e para është rritur dukshëm. Fitorja e Olimpiakos ndaj Dinamos së Zagrebit në udhëtim, (0-1) e bën edhe më të paqartë situatën.
Në grupin E, Bayer Leverkusen dhe Roma kanë barazuar në një ndeshje të çmendur, (4-4). Mundësia për të marrë pikët e plota nga kjo ndeshje iu ofrua të dy skuadrave, por në fund ishte shqiptari Admir Mehmedi që vendosi rezultatin final, për nga një pike secilës skuadër. Barcelona merr frenat e grupit, falë fitores në udhëtim ndaj Bate Borisovit, (2:0) dhe shkëputet në klasifikim.
Chelsea i ka komplikuar vetës punët me barazimin pa gola në udhëtim ndaj Dinamo Kievit. Kështu londinezët mbeten ende prapa ukrainasve dhe portugezëve të Portos që në shtëpi mposhti Maccabi Tel Avivin, (2:0).
Në grupin H, situata është mjaft e qartë. Zenit St Petersburg mposhtë Lyonin, (3:1) dhe kryeson grupin me pikë maksimale, (9). Valencia në ndeshjen tjetër ka mposhtur belgët e Gentit, duke u shkëputur gjithashtu nga dy vendet e fundit, që kanë nga vetëm nga një pikë, pa shumë gjasa për t`u kualifikuar. /tesheshi.com/
