Ndodh edhe kështu. Madje e shesin për punë dhe seriozitet. Sot Drejtori i Përgjithshëm i Policisë së Shtetit, Haki Çako dhe Drejtori i Hipotekave kanë firmosur një marrëveshje…për pastrimin e parave.
Dhe këtë e kanë bërë publikisht para kamerave dhe me deklarata për shtyp pompoze.
Kuptohet qartë qëllimi i këtij veprimi dhe vjen si inerci e konceptit që qeveria “Rama” ka për Publik Relations.
Por këta zyrtarë harrojnë se nuk mund të jetë Public Relations, firmosja e një marrëveshje mes institucioneve që e kanë me ligj bashkëèpunimin në mes tyre për të luftuar kriminalitetin dhe pastrimin e parave. Madje policia mund ta bëjë këtë edhe me bankat private dhe isntitucionet e tjera si kompanitë celulare dhe ato të internetit. Por edhe me të tjera për t’u marrë filmimet nga kamerat e sigurisë.
Çako dhe Muho, thjesht mund të hartonin një deklaratë angazhimi që ta shpërndanit për shtyp. Por edhe kjo do të ishte e pavlefshme. Në momentin kur kanë ndonjë statistikë të pronave të stërmëdha që janë regjistruar nga bosët e drogës, politikënt e gjyqtarët e korruptuar, trafikantët e qenieve njerëzore dhe turlifarë të tjerësh.
Atëherë po kur të dilnin me emra dhe mbiemra që janë sekuestruar pronat e paligjshme atëherë, e kanë hallal jo vetëm një foto por edhe nga një akullore së bashku me gazetarët. Kështu ndodh në Europë; kur është arrestuar bossi i Cosa Nostra-s bernardo Provencano, Kryprokurori i Palermos i ka qerasur gazetarët me një ëmbëlsirë tradicionale të gatuar “për mbarësi” nga nëna e një gjykatësi të vrarë nga mafia. /tesheshi.com/
