Erion Braçe, pasi ndikoi në heqjen e koncensionit monopol për doganën e portit të Durrësin ku u merrej para tregëtarëve vetëm për një vulë, tani kërkon që të bëjë të njëjtën gjë edhe me dy koncensione të tjera: atë të ngjyrosjes së karburanteve dhe të pullave fiskale, të dhëna nga qeveria e mëparshme dhe që zotërohen nga emra të mëdhenj të biznesit në vend.
Referuar shitjes së gjysmës së aksioneve në koncesionin e skanimit, Braçe e cilësoi absurd faktin që gjysma e vlerës së një biznesi 360 milionë eurosh, të shitet për vetëm 500 lekë të rinj.
“Nuk i heq asnjë presje asaj që kam thënë 2 vite më parë për këtë koncesion, por edhe për atë të pullave fiskale dhe atë të ngjyrosjes së karburanteve. U tha këtu që koncesioni i pullave është më moderni. Por cili është më moderni, kur sipas Fondit Monetar Ndërkombëtar i mungon sistemi ‘track and trace’, që do të thotë se këto pulla nuk gjurmohen?!”, tha Braçe.
/tesheshi.com/
