Kreu i diplomacisë së Bashkimit Evropian, Josep Borrell, deklaroi sot se i bëri thirrje Presidentit të Serbisë, Aleksandar Vuçiç dhe Kryeministrit të Kosovës, Albin Kurti, që të “kthehen në situatën në të cilën është e mundur të vazhdohet dialogu në Bruksel “.
“Ne kishim një situatë shumë të vështirë në kufirin mes Kosovës dhe Serbisë. Kam folur edhe me Presidentin Vuçiç dhe Kryeministrin Kurti. Ngjarjet e fundit dhe marrëveshja e 13 shtatorit tregojnë se dialogu i ndërmjetësuar nga BE është e vetmja rrugë përpara,” tha Borrell.
Kreu i diplomacisë së BE -së kryesoi Këshillin e BE -së, ku informoi ministrat e jashtëm të shteteve anëtare për zhvillimet në vendkalimet midis Serbisë dhe Kosovës. /tesheshi.com/
