Një referendum i ri mbi Brexit do të shkaktonte zemërimin e britanikëve – tha Boris Johnson, një avokat i zjarrtë i largimit të Britanisë së Madhe.
“Unë mendoj se kjo nuk është e mundur”, tha ish-Sekretari i Jashtëm në një konferencë për shtyp në Nju Delhi për çështjen e thirrjeve për një referendum të ri.
Fushata për referendum në vitin 2016 ishte “shumë i ashpër dhe e ndau vendin thellësisht”, tha ai dhe siguroi se një tjetër referendum do ketë efekte të njëjta.
Vitin e kaluar, Boris Johnson u largua nga qeveria e Tereza May në shenjë proteste kundër marrëveshjes me BE-në, e cila parashikon mbajtjen e Mbretërisë së Bashkuar në Bashkimin Doganor.
Parlamenti britanik që prej asaj kohe ka hedhur poshtë planin dhe Theresa May po përjeton një krizë politike ndërsa po afrohet 29 marsi, data e Brexit.
Ai gjithashtu hodhi poshtë idenë e Brexit si një “fenomen ksenofobik, nacionalist dhe reaksionar”. /tesheshi.com/
