Lideri i LSDM-së, Zoran Zaev, ka akuzuar qeverinë “Gruevski” se po tenton të prishë marrëdhëniet ndëretnike. Kjo qeveri sipas tij nuk punon për të ruajtur bashkëjetesën, por për ta shkatërruar, për çka më vonë zbardhi në opinion një bisedë të përgjuar telefonike të ish- Ministres së Brendshme Gordana Jankulloska, ku ajo i thotë Shefit të Kabinetit Kryeministror, Martin Protuger: ”Nuk ka bashkëjetesë me shiptarishtat (mënyrë ofenduese e të shprehurit), me ta duhet të pastrohet njëherë përgjithmonë”, dëgjohet Jankullovska e cila i thotë Protugerit, se në rast lufte do të shkatrojnë shqiptarët për një orë.
LSDM shpalosi një bisedë tjetër të Jankullovskes, tani me burin e saj Vllatko Ilievski, i punësuar në kryeministri. Ajo shqiptarëve u referohet me “Fis i egër”, ndërsa Vllatko Ilievski i thotë: “Ske ç‘bën. Nga vitit 2001 e këndej, Maqedonisë po i ndodhë kosovarizimi”.
Në konferencën për media, Zaev tha se rreth 4.600 aktivistë janë paraqitur vullnetarisht që të flenë para qeverisë në Shkup gjatë protestave të cilat fillojnë të dielën, ndërsa siç tha, atij i janë ofruar edhe subjekte shqiptare, por pret që ata të dalin publikisht me thirrje për anëtarët e tyre. /tesheshi.com/
