Biznesmeni Nikollaq Neranxi, i angazhuar së fundmi në nja aksion civil antiqeveritar për pronat në Himarë, ka denoncuar atë e konsideron “një kërcënim me jetë”.
Sipas tij, duke qenë me familjen dhe miq në fshatin Livadhë të bregdetit, një person që po ndërton pa leje buzë detit e ka kërcënuar duke i thënë se mund t’i fusë dhe plumbin nëse shkel mbi pronën e tij. Bëhet fjalë për një person me mbiemrin Kumbaro, për të cilin Neranxi ka thënë se ka bërë kallzim në komisariatin e Himarës.
Kohët e fundit, biznesmeni i njohur i frutave të thata, ish-deputet i LSI-së vite më parë, është ndodhur në qendër të disa zhvillimeve, edhe me sfond politik. Por së fundi ai është angazhuar fuqishëm kundër një projekti rivitalizimi të Himarës, duke pretenduar se po tentohet vjedhja e pronave nga qeveria.
Ngjarja më e rëndë me të, është grabitja që iu bë arkës së kompanisë së tij ditën për diell nga njerëz me maska, të cilët, edhe pse kanë kaluar më shumë se dy vjet, nuk janë gjetur dot nga policia. /tesheshi.com/
