Pas dy dënimeve për financim të paligjshëm dhe marrëdhënie seksuale me detyrim ndaj të miturve, ish-kryeministri i Italisë Silvio Berluskoni është dënuar për rryshfet ndaj një senatori të së majtës, i cili i hoqi numrat mbështetës Romano Prodit në vitin 2008, duke e detyruar të japë dorëheqjen.
Një gjykatë në Napoli e dënoi atë me 3 vjet burg dhe i ndaloi mbajtjen e një posti publik për të paktën 5 vjet. Nga ana e tij, 4 herë kryeministri i mohoi akuzat.
Atij nuk do t’i duhet të shlyejë dënimin për shkak të statutit të kufizimeve që hyn në fuqi më vonë gjatë vitit, para se ai të mund të bëjë ndonjë apel.
Miliarderi akuzohej se i kishte dhënë 3 milionë euro në vitin 2006 senatorit Sergio De Gregorio, atëherë anëtar i komisionit anti-korrupsion të partisë Italia e Vlerave, që të kalonte tek partia e liderit të së djathtës, Populli i Lirisë, dhe për rrjedhojë të minonte pushtetin e qeverisë Prodi.
Gjyqi u mbajt në Napoli, pasi pikërisht në këtë qytet De Gregorio ishte zgjedhur si deputet e më pas ishte bërë senator. Ish-kryeministri i Italisë ndërkohë po apelon një tjetër vendim gjykate që e dënon atë me burg, për marrëdhënie seksuale me një prostitutë minorene, abuzim me anë të detyrës dhe për dhënie informacionesh mbi përgjimet e policisë.
Vitin e kaluar ai u shpall gjithashtu fajtor për evazion fiskal, që ishte dënimi i tij i parë përfundimtar, të cilin e shleu me punë në komunitet. /tesheshi.com/
