Berisha ka përcjellë bindjen se tashmë muslimanët në Shqipëri janë përcaktues në votime. I mbështetur në vite nga muslimanët, të cilët e kanë parë atë të afërt me ta prej disa treguesve gjithsesi jo thelbësorë, siç origjina e tij muslimane apo kinse anti-komunizmi apo po aq kinse, djathtizmi o tij, në fakt krejt i paqenë, por duke mos bërë asgjë të dukshme për ta, tashmë ai po tenton t’i bëjë për vete më premtimet tipike të një kohe elektorale.
Kështu, pas një vizite në KMSH për Fitër Bajram, ai do deklaronte:
“E shfrytëzova rastin për të zotuar para kryetarit të Komunitetit Mysliman dhe të gjithë shqiptarëve se, pas 11 majit nga vendimet e para do të jetë dyfishimi i fondit për komunitete fetare, fond i cili është i domosdoshëm dhe u takon plotësisht.
Sikundër një përpjekje madhore do të bëhet për rikthimin e pronave të tyre, ose kompensimin, pasi pronat e komuniteteve fetare, janë pronat më të plaçkitura në Shqipëri. Së treti unë garantoj, dhe e garantova dhe kryetarin e Komunitetit Mysliman dhe garantoj besimtarët myslimanë se, falja ditën e premte do të përcaktohet në ligj dhe në orar. Dhe çdo besimtar mysliman që dëshiron të kryejë detyrën e tij me faljen në xhami do të ketë kohën e dhënë për këtë destinacion. Pra nuk do mund të bëhet më orari zyrtar pengesë që njerëzit të falin të premten, që për myslimanët është dita e faljes. Kjo nuk është lehtësi, por detyrim dhe do të vendoset menjëherë pas 11 majit”. /tesheshi.com/
