Në “Foltoren” e radhës, atë në Fushë Krujë, Berisha zbuloi se si ia mundësoi Bashës fitoren në tavolinë në 2011-ën për Bashkinë e Tiranës, pas fitores së Ramës live me 10 vota plus.
Sipas tij, Basha po bëhej gati që të pranonte humbjen, por kish qenë ai këmbëngulës për t’u rinumëruar votat(nga Ristani).
“Kishim një këshilltar amerikan fushate. Ai më thotë se në Rrugën e Elbasanit (ambasada amerikane) janë të shqetësuar për këtë numërim votash që po bëhet.
I them se po numëroj çdo votë sipas dy kodeve të Evropës dhe Amerikës se janë legjitime, por nëse duan ata të ambasadës janë të ftuar të shkojnë të shikojnë numërimin. ‘Unë po të flas edhe në emër të Bashës’, më tha, ‘që është dakord të mbyllim këtë punë’. I thashë thuaji që ‘s’po e bëj për ty por për demokracinë’”, ishte ajo çfarë tha Berisha.
Ky reagim i Berishës vjen pas Basha tha se në 2011 arriti ta mund Ramën, pasi shmangu Berishën nga fushata.
Por kjo po i bëhet boomerang, pasi, sidomos nga LSI, po dekonspirohet procesi që i dha një fitore krejt të diskutueshme, pasi bazohej në një nonsens arithmetik.
Ristani që e kreu atë operacion ndryshim rezultati, u bë më pas deputet dhe Sekretar i Përgjithshëm i PD-së. /tesheshi.com/
