Njëri prej tre vendeve të Beneluksit(Hollandë, Belgjikë, Luksemburg) të cilët kanë qenë gjithnjë skeptikë për zgjerimin e BE-së, ka dhënë “Ok”-in politik për hapjen e negociatave të Shqipërisë në BE.
Bëhet fjalë për kryeministrin e Belgjikës Charles Michel, i cili ndodhet për vizitë zyrtare në Tiranë.
Deklarata e tij nuk ishte një “Po” e shpejtë, pasi vendimi do të merret në qershor, por ai dha një qëndrim parimisht pro hapjes së negociatave për Shqipërinë.
Ky qëndrim është edhe një shenjë e rëndësishme politike për dy qeveritë e tjera e “Vendeve të Ulëta” siç quhet bashkësia e tre shteteve.
Në konferencën e zhvilluar pas takimin në Kryeministri, Edi Rama tha qeveria e tij do të shpejtojë reformat, i ndikuar nga humori i vendeve anëtare.
“Kryeministri i Belgjikës e dha dhe e mbajti fjalën brenda një kohe të shkurtër duke ardhur sot të vizitojë Tiranën dhe duke riafirmuar miqësinë që na lidh dhe vullnetin e dëshirën e vendit që ai udhëheq për të forcuar marrëdhëniet me Shqipërinë.
Ndamë mendimin se me marrjen e këtij rekomandimi nis një fazë e re për vendin sepse i gjithë procesi për integrimin është për ardhmërinë e vendit të bazuar në një shtet modern dhe institucione demokratike dhe nga ana tjetër folëm për sfidat e mëdha që lidhen me këtë proces në vijim”, tha Rama.
Kryeministri belg, Charles Michel u shpreh se qeveria e tij nuk ka ende një vendim konkret për negociatat e Shqipërisë me BE, por muajin qershor e cilësoi mjaft të rëndësishëm.
“Ramë dakord për një dialog të ngushtë me kryeministrin, për të nxitur zhvillimet lidhur me këtë vendim që do merret në muajin qershor.
Vizita ime sot në Shqipëri s’është rastësi, e pranova me kënaqësi ftesën që m’u bë për të dhënjë një sinjal miqësie e vlerësimi nga BE për përpjekjet që janë kryer.
Nuk mund të them një vendim zyrtar, por Belgjika do shprehet në muajin qershor. Ne dëshirojmë të vazhdojmë përpjekjet e afrimit të BE me Shqipërinë, gjithashtu aftësinë, thelluar reformat brenda BE dhe nxitur e thelluar përpjekjet brenda Shqipërisë për të dhënë një sinjal perspektivash optimiste, për zbatimin e reformave.
Me rëndësi është se fillimi i një procesi anëtarësimi është vetëm fillimi, jo mbërritja. S’mund ta vë qerren përpara kaut, është në fillim mbledhja e qeverive të vendeve anëtare të BE. Do të jap rreth tryezës së BE në muajin qershor një mesazh pro vullnetit dhe përpjekjeve tuaja”. Bëj pjesë te ata që mendojnë se duhet të njihen përpjekjet që janë kryer me rezultate të dukshme”, tha Michel.
/tesheshi.com/
